ڈائریکٹر ملتان زون کی ہدایت پر وفاقی تحقیقاتی ادارے (ایف آئی اے) بہاولپور ٹیم نے وہاڑی میں بڑی کارروائی کرتے ہوئے کروڑوں روپے کے خرد برد میں ملوث 2 ملزمان گرفتار کو گرفتار کر لیا۔

ڈان نیوز ٹی وی کی رپورٹ کے مطابق ترجمان ایف آئی اے نے بتایا کہ ملزمان نے نجی بینک صارفین کے اکاؤنٹس سے 14 کروڑ 72 لاکھ روپے کی خردبرد کی۔

ترجمان کا مزید کہنا تھا کہ ملزمان اوور ڈرافٹ کے ذریعے کروڑوں روپے خرد برد کرنے میں ملوث تھے،گرفتار ملزمان کے بینک اکاؤنٹ میں فراڈ سے حاصل کردہ ایک کروڑ 30 لاکھ روپے ٹرانسفر ہوئے۔

ڈائریکٹر ایف آئی اے ملتان زون نے بتایا کہ دیگر ملزمان کی گرفتاری کے لیے چھاپے مارے جا رہے ہیں۔