سیالکوٹ: پیٹرول پمپ پر ٹائر شاپ میں آتشزدگی، ایک شخص جاں بحق
آگ لگنے سے ٹائر شاپ پر کام کرنے والا 18سالہ ملازم جھلس کر جاں بحق ہوگیا، ریسکیو ٹیموں نے آگ پر قابو پالیا، حکام
صوبہ پنجاب کے شہر سیالکوٹ میں پیٹرول پمپ پر موجود ٹائر شاپ میں آگ لگنے سے ایک شخص جاں بحق ہوگیا۔
ریسکیو حکام کے مطابق آگ سیالکوٹ کے علاقے گوہدپور میں واقع پیٹرول پمپ پر موجود ٹائر شاپ میں لگی۔
حکام کے مطابق آگ لگنے سے ٹائر شاپ پر کام کرنے والا 18سالہ ملازم جھلس کر جاں بحق ہوگیا۔
ریسکیو ذرائع کا کہنا ہے کہ ریسکیو ٹیموں نے ٹائر شاپ پر لگی آگ پر قابو پالیا۔