نگران وفاقی وزیر اطلاعات مرتضیٰ سولنگی نے کہا ہے کہ سی پیک مقامی لوگوں پر مثبت اثرات مرتب ہو رہے ہیں، سی پیک منصوبوں سے دولاکھ سےزائد لوگوں کو روزگارملا۔

کامسٹیک میں آٹھویں چین پاکستان اقتصادی راہداری میڈیا فورم سے خطاب کرتے ہوئے مرتضیٰ سولنگی نے کہا سی پیک کے ذریعے مقامی افراد کو روزگار کے مواقع میسر آئے۔

انہوں نے کہا کہ پاکستانی عوام کا مستقبل کے حوالے سے اعتماد بڑھا، سی پیک منصوبوں سے پاکستان کی معاشی ترقی کی رفتار تیز ہوئی، سی پیک کے تحت توانائی کے شعبے میں متعدد منصوبے مکمل کئے گئے۔

نگراں وفاقی وزیر نے واضح کیا کہ سی پیک صرف ایک بنیادی ڈھانچے کا منصوبہ نہیں، اس منصوبے کے تحت دو ہزار تیرہ سے اب تک دو لاکھ چھتیس ہزار ملازمتیں پیدا ہوئیں۔