جنگ زدہ غزہ سے زخمی فلسطینیوں کو لے جانے والی پہلی ایمبولینس رفح کراسنگ کے ذریعے مصر میں داخل ہوگئی۔

اے ایف پی کی رپورٹوں کے مطابق اس پیش رفت سے متعلق ایک مصری عہدیدار نے نام ظاہر نہ کرنے کی شرط پر آگاہ کیا۔

ٹیلی ویژن پر نشر لائیو فوٹیج میں ایمبولینسوں کو رفح ٹرمینل کے مصری حصے میں داخل ہوتے ہوئے دکھایا گیا۔

حکام کا کہنا تھا کہ مصری ہسپتالوں میں علاج کے لیے لائے گئے انتہائی شدید بیمار اور زخمی فلسطینیوں کی تعداد 90 کے قریب ہوگی۔