ملک بھر میں سرکارِ دو عالم حضرت محمد صلی اللہ علیہ والہ وسلم کی ولادت کا جشن مذہبی عقیدت و احترام کے ساتھ منایا جا رہا ہے اس موقع پر ملک بھر میں چھوٹی بڑی عمارتوں کو خوبصورتی سے سجایا گیا ہے، اور ہر جانب روشنی اور فضا میں درود و سلام کی صدائیں آ رہی ہیں۔

میلادِ مصطفیٰ ﷺ کے حوالے سے نعتوں کی محافل کا انعقاد بھی جاری ہے، جبکہ ملک کے چھوٹے بڑے شہروں میں جلوس بھی نکالے جا رہے ہیں۔

وفاقی دارالحکومت میں سرکاری، نجی عمارات اور گھروں کو خوبصورتی سے سجایا گیا ہے، جبکہ شہر بھر میں عیدِ میلادالنبی ﷺ کے مختلف جلوس نکالے جا رہے ہیں۔