پاکستان نے ایشیا کپ کے پہلے میچ میں کپتان بابراعظم اور افتخار احمد کے درمیان پانچویں وکٹ پر ریکارڈ شراکت کی بدولت 6 وکٹوں پر 342 رنز بنائے اور نیپال کو 104 رنز پر آؤٹ کرکے یک طرفہ مقابلے کے بعد 238 رنز سے شکست دے دی۔

ملتان میں کھیلے گئے میچ میں بابراعظم نے اپنے کیریئر کی 19 ویں سنچری بنائی اور تیز ترین 19 سنچریاں اور 104 میچوں میں تیز ترین 5 ہزار 353 رنز بنائے اور جنوبی افریقہ کے سابق بلے باز ہاشم آملہ کا ریکارڈ توڑ دیا۔

افتخار احمد 67 گیندوں پر اپنی سنچری مکمل کی جو ایشیا کپ میں چوتھی تیز ترین سنچری تھی جبکہ ایشیا کپ میں تیز ترین سنچری کا ریکارڈ شاہد آفریدی کے پاس ہے، جو انہوں نے بنگلہ دیش کے خلاف بنائی تھی۔

بابراعظم 151 رنز بنا کر آؤٹ ہوئے جو ایشیا کپ میں ویرات کوہلی کے بعد سب سے بڑی انفرادی اننگز ہے اور پاکستان کی جانب سے ٹورنامنٹ کی سب بڑی انفرادی اننگز ہے۔