پاکستانی قوم نے روایتی جوش و خروش، جذباتی نعروں اور دعاؤں کے ساتھ آزادی کے 76 برس مکمل ہونے پر جش آزادی منایا۔

ملک بھر میں شاہراہیں، گلیاں اور قومی یادگاروں میں شہریوں کا ہجوم تھا، جنہوں نے قومی پرچم کی مناسبت سے سبز اور سفید رنگ کا لباس زیب تن کر رکھا تھا۔

یوم آزادی کی صبح کا آغاز وفاقی دارالحکومت اسلام آباد میں 31 توپوں کی سلامی سے، صوبائی دارالحکومتوں میں 21،21 توپوں کی سلامی سے ہوا جبکہ ملک کی سلامتی، خوش حالی اور امن کے لیے دعائیں کی گئیں۔

مختلف شہروں میں جشن آزادی کے حوالے سے تقریبات منعقد ہوئیں اور عوام نے جذبات کا اظہار کیا۔