قومی اسمبلی کے اسپیکر راجا پرویز اشرف نے کہا کہ ہندوستان میں خوشیاں منائی گئیں جس دن کورکمانڈ کے گھر پر حملہ کیا گیا، پاکستان کی فوج ہماری فوج ہے۔

آئین کی گولڈن جوبلی کی مناسبت سے پنجاب کے ضلع خوشاب میں اجتماع سے خطاب کرتے ہوئے راجا پرویز اشرف نے کہا کہ یہ خطہ شہیدوں اور غازیوں کا خطہ ہے، کرنل شیر خان شہید کی بہادری کی بھارتی افواج کے سربراہ نے بھی تعریف کی ہے، ہمارے شہیدوں نے دشمن کے خلاف جو کامیابی حاصل کی ہیں اس کی مثال نہیں ملتی۔

اسپیکر قومی اسمبلی نے کہا کہ پاکستان پیپلز پارٹی کے بانی کو پھانسی کا پھندے پر لٹکایا گیا لیکن کس نے اپنے اداروں کے خلاف ایک لفظ نہیں بولا۔

انہوں نے کہا کہ جن لوگوں نے اس ملک کے دفاعی اداروں کو نشانہ بنایا ان کو نشان عبرت بنانا ہوگا۔