پاکستان تحریک انصاف (پی ٹی آئی) کے چیئرمین عمران خان نے کہا ہے کہ پارٹی کے خلاف کریک ڈاؤن سے اس کے ووٹ بینک میں اضافہ ہورہا ہے۔

ایک سابق رکن اسمبلی کی ویڈیو پوسٹ کر کے ان کا کہنا تھا کہ ’جبری علیحدگیوں‘ کے لیے کس بےشرمی سے ہر حربہ آزمایا جا رہا ہے، یہ مناظر خود اس کی وضاحت کرتے ہیں۔

انہوں نے کہا کہ ان فسطائی حربوں سے پاکستان کے عوام اور اداروں کے مابین خلیج اور تحریک انصاف کے لیے ہمدردیاں بڑھ رہی ہیں۔