وزیر اعظم شہباز شریف نے کہا ہے کہ ریاستی علامات پر حملہ کرنے والے مذاکرات کے اہل نہیں ہیں۔

ٹوئٹر پر اپنے آفیشل آکاؤنٹ سے جاری بیان میں شہباز شریف نے کہا کہ مکالمہ سیاسی عمل میں گہرائی پیدا کرتا ہے، جس سے جمہوریت میں پختگی اور فروغ ملتا ہے، ماضی میں کئی سیاسی اور آئینی مراحل اسی وقت طے ہوئے جب سیاسی رہنما اتفاق رائے کے لیے ساتھ بیٹھے۔

تاہم انہوں نے واضح کیا کہ ایک بڑا فرق ملحوظ خاطر رکھنا چاہیے کہ سیاست دانوں کا لبادہ اوڑھ کر ریاستی علامات پر حملہ کرنے والے انتشار پسند اور جلاؤ گھیراؤ کرنے والے مذاکرات کے اہل نہیں ہیں بلکہ ان کی عسکری کارروائیوں کا محاسبہ کیا جانا چاہیے، ترقی یافتہ جمہوری ممالک میں بھی یہی رواج ہے۔