وفاقی وزیر اطلاعات و نشریات مریم اورنگزیب نے کہا ہے کہ عمران خان پروپیگنڈا نہ کریں، خواتین کے ساتھ بد سلوکی کے ثبوت دیں ورنہ اپنی زبان بند رکھیں۔

ٹوئٹر پر جاری اپنے بیان میں انہوں نے کہا کہ یہ بڑا سنگین الزام ہے جسے ہم کسی صورت برداشت کر سکتے ہیں نہ کریں گے، یہ پی ٹی آئی کا بلیک میلنگ اور بے حسی کا دور نہیں، ٹھوس ثبوت کے بغیر ایسا سنگین الزام صرف آپ جیسا ’میڈیا پریڈیٹر‘ ہی لگا سکتا ہے جو ہر روز جھوٹ بولتا اور جعلی وڈیوز اور فوٹوز جاری کرتا پکڑا جاتا ہے۔