وزیراعظم شہباز شریف نے کہا ہے کہ یوم تکریم شہدا کے موقع پر ہم آج ان عظیم شہدا کو سلام عقیدت پیش کرتے ہیں۔

آرمی قبرستان میں یادگار شہدا پر حاضری کے موقع پر بات کرتے ہوئے انہوں نے کہا کہ ہمارے عظیم شہدا نے ملک کی حفاظت کے لیے دشمن سے جنگ لڑی، اپنی جانیں قربان کیں لیکن وطن پر آنچ نہیں آنے دی۔

انہوں نے کہا ان شہدا کی قربانیوں کی بدولت ہی آج ملک محفوط ہےاور محفوظ ترین ہاتھوں میں ہے، انہوں نے راتوں کو جا گ کر کروڑوں پاکستانیوں کو سکون اور امن کی نیند دی۔

ان کا کہنا تھا کہ ہم آج ان عظیم شہدا کو سلام عقیدت پیش کرتے ہیں۔