پی ٹی آئی کے چیئرمین عمران خان نے کہا ہے حکمران اتحاد اور فوجی اسٹیبلشمنٹ، ’جو کہ ایک ہی آدمی—آرمی چیف ہے‘، دونوں ان کو الیکشن سے باہر کرنا چاہتی ہے۔

قطری نشریاتی ادارے الجزیرہ کو دیے گئے انٹرویو کے دوران ایک سوال پر عمران خان نے کہا کہ 12 جماعتوں پر مشتمل حکومت کو سابق آرمی چیف اقتدار میں لے کر آئے تھے۔

انہوں نے کہا کہ ’فوج کا مطلب ایک آدمی ہوتا ہے، آرمی چیف، کیونکہ یہ ایک جمہوری ادارہ نہیں ہے، تو بنیادی طور پر وہ جو فیصلہ کرتا ہے وہی چلتا ہے‘۔

عمران خان نے کہا کہ ’اب جو ہو رہا ہے وہ واضح ہے کہ نہ تو فوجی اسٹیبلشمنٹ اور نہ ہی 12 جماعتیں بلکہ وہ مجھے انتخابات کی دوڑ سے باہر کرنے کو یقینی بنا رہے ہیں‘۔