برٹش کونسل نے کیمبرج کے تمام امتحانات پیر 15 مئی سے شیڈول کے مطابق بحال کرنے کا فیصلہ کیا ہے۔

ڈان اخبار کی رپورٹ کے مطابق یہ فیصلہ کیمبرج انٹرنیشنل اور برٹش کونسل کی ٹیموں کے درمیان سلسلہ وار بات چیت کے بعد کیا گیا، جس میں ملک کی صورتحال کا بغور جائزہ لینے کے بعد امیدواروں، ان کے والدین اور عملے کے ارکان کی کسی غیر متوقع واقعے میں حفاظت کو یقینی بنانے کو مدنظر رکھتے ہوئے کیا گیا۔

فیصلے کے تمام ملک بھر میں امتحانات معمول کے شیڈول کے مطابق 15 مئی سے صبح اور شام میں دوبارہ ہوں گے۔