سپریم کورٹ آف پاکستان نے گرفتاری کے معاملے کی سماعت کرنے کے بعد عمران خان کو فوری رہا کرنے کا حکم دے دیا۔

سپریم کورٹ کے تین رکنی بینچ نے عمران خان کے گرفتاری کے معاملے کی سماعت کی اور فریقین کے دلائل کے بعد عمران خان کو ایک گھنٹے میں پیش کرنے کا حکم دیا۔

عمران خان کو تقریباً ڈیڑھ گھنٹے تاخیر سے عدالت میں پیش کیا گیا اور دوبارہ سماعت میں چیف جسٹس نے کہا کہ عمران خان کی گرفتاری غیر قانونی تھی، عمران خان کی گرفتاری کوہم واپس کر رہے ہیں۔

ساتھ ہی چیئرمین پی ٹی آئی کو ہائی کورٹ سے رجوع کرنے کی ہدایت کرتے ہوئے انہیں فوری رہا کرنے کا حکم دے دیا۔