وزارت داخلہ نے ملک بھر کے اہم شہروں میں امن و امان کی بگڑتی صورتحال پر قابو پانے کے لیے اسلام آباد، خیبرپختونخوا اور پنجاب میں پاک فوج تعینات کرنے کی منظوری دے دی۔

وزارت داخلہ کی طرف سے پنجاب، خیبرپختونخوا اور اسلام آباد میں پاک فوج تعینات کرنے کے حوالے سے جاری کردہ نوٹی فکیشنز میں کہا گیا ہے کہ وفاقی حکومت سول پاور کی مدد سے پنجاب بھر میں امن و امان کی صورتحال کو برقرار رکھنے کے لیے فوج کے دستوں اور اثاثوں کی تعیناتی کی اجازت دینے کے لیے تیار ہے۔