راولپنڈی میں زندگی معمول کے مطابق رہی سوائے مری روڈ کے چاندنی چوک سے سکستھ روڈ تک جہاں پی ٹی آئی نے گزشتہ روز اپنا عوامی اجتماع منعقد کیا۔

ڈان اخبار کی رپورٹ کے مطابق صدر اور کنٹونمنٹ کے دیگر تجارتی علاقوں میں بھی معمولات زندگی رواں دواں رہے، تاجروں نے معمول کے مطابق اپنی دکانیں کھولیں جب کہ دہاڑی دار طبقہ، ٹھیلوں پر ، بازاروں میں، سڑکوں پر پھل، دھوپ کے چشمے، ٹوپیاں اور سیکنڈ ہینڈ گارمنٹس سمیت دیگر اشیا فروخت کرتا نظر آیا۔

تاہم، گیریژن شہر کی مرکزی سڑک، مری روڈ، چاندنی چوک سے سکستھ روڈ تک ایک الگ ہی منظر پیش کر رہی تھی جہاں پی ٹی آئی نے بڑا عوامی جلسہ منعقد کیا۔