پاکستان تحریک انصاف (پی ٹی آئی) کے رہنما شاہ محمود قریشی نے کہا کہ ہمارا لانگ مارچ قانون اور آئین کے دائرے میں ہو گا، پُرامن احتجاج ہوگا۔

لاہور میں میڈیا سے گفتگو کرتے ہوئے ان کا کہنا تھا کہ کہیں بھی نقص امن پیدا نہیں کیا گیا، ٹریفک رواں دواں رہی۔

انہوں نے کہا کہ ہم پر وزیر آباد میں قاتلانہ حملہ ہوا، عمران خان کو قتل کرنے کا منصوبہ واضح ہوگیا، اللہ کا شکر ہے کہ وہ بچ گئے لیکن اس کے باوجود مشتعل نہیں ہوئے اور قانون کو ہاتھ میں نہیں لیا۔