پاکستان تحریک انصاف کے لانگ مارچ کی وجہ سے انگلش کرکٹ ٹیم کے آئندہ دورے میں رکاوٹ پیدا ہونے کے خدشات کے تناظر میں اسلام آباد پولیس نے کرکٹ ٹیم کی سیکیورٹی سے متعلق انتظامات کا جائزہ لیا اور سیاسی عدم استحکام کے باعث پاک انگلینڈ کرکٹ سیریز کے دوران کسی رکاوٹ سے نمٹنے کے لیے اقدامات یقینی بنانے پر غور کیا۔

پاکستان اور انگلینڈ کے درمیان پہلا ٹیسٹ میچ یکم دسمبر سے 5 دسمبر تک راولپنڈی میں کھیلا جائے گا، دوسری جانب پی ٹی آئی کا لانگ مارچ 26 نومبر کو راولپنڈی پہنچنے کا امکان ہے جب کہ لانگ مارچ دھرنے میں تبدیل ہونے کے بعد کئی روز تک بھی جاری رہ سکتا ہے۔

یہ بات قابل ذکر ہے کہ اس سے قبل 2014 میں پی ٹی آئی کا دھرنا 126 دن تک جاری رہا تھا جس سے جڑواں شہروں اسلام آباد اور راولپنڈی کے شہریوں کی روزمرہ کی سرگرمیاں اور معمولات زندگی شدید متاثر ہوئی تھیں، اگرچہ کرکٹ اسٹیڈیم راولپنڈی کی حدود میں ہے لیکن یہ وفاقی دارالحکومت سے زیادہ دور نہیں۔

مکمل خبر کے لیے یہاں کلک کریں۔