سابق وزیر داخلہ اور عوامی مسلم لیگ کے سربراہ شیخ رشید نے دعویٰ کیا ہے کہ جو بھی نیا آرمی چیف آئےگا وہ سیاسی گند اپنے کندھوں پر نہیں اٹھائے گا اور ملک کو الیکشن کی جانب لے کر جائے گا۔

ٹوئٹر پر جاری اپنے بیان میں انہوں نے کہا کہ نوازشریف نگران سیٹ اپ کا دوراینہ بڑھانا اور من پسند تعیناتی چاہتاہیں، ایک ٹکٹ میں 2 مزے نہیں مل سکتے، پی ڈی ایم کا سیاسی جنازہ نکل چکا جس کی سیاسی چیخیں بلاول کی پریس کانفرس میں واضح ہیں۔

شیخ رشید کا کہنا تھا کہ ملک کا وزیر خارجہ بلاول ملک کے صدرکو دھمکیاں دےرہا ہے، عمران خان کو کسی کی تعیناتی پر اعتراض نہیں، جو بھی نیا آرمی چیف آئےگا وہ سیاسی گند اپنے کندھوں پے نہیں اٹھائےگا اور ملک کو الیکشن کی جانب لے کر جائے گا، آئندہ 5روز سیاست میں فیصلہ کن ہیں۔