وفاقی وزیر اطلاعات و نشریات مریم اورنگزیب نے سابق وزیراعظم عمران خان پر سخت تنقید کرتے ہوئے الزام لگایا ہے کہ چیئرمین پی ٹی آئی ملک میں افراتفری اور انارکی کو ہوا دینا چاہتے ہیں۔

اپنے ایک ویڈیو بیان میں مریم اورنگزیب نے عمران خان کی گزشتہ رات کی تقاریر کا حوالہ دیا اور دعویٰ کیا کہ انہوں نے ملک میں مارشل لا کا مطالبہ کیا۔

انہوں نے کہا کہ جب وزیراعظم شہباز شریف کی جانب سے کسان پیکج کا اعلان کیا گیا عمران نے مارشل لا کا اعلان کیا، جس سے ان کے اصل عزائم بے نقاب ہوگئے۔