پی ٹی آئی چیئرمین عمران خان نے گوجرانوالا پہنچنے کے بعد اعلان کیا ہے کہ وہ کل لانگ مارچ کا پورا دن گوجرانوالا میں گزاریں گے۔

انہوں نے کہا کہ کل ہم یہاں سے مارچ کا آغاز کریں گے تو میں پورا دن آپ کے ساتھ گزاروں گا اور آپ کو مزید چیزیں بتاؤں گا۔

عمران خان کا کہنا تھا کہ قوم جان چکی ہے کہ ان کے حقوق کیا ہے، صحیح اور غلط میں فرق کا پتا چل گیا ہے اور اب غلامی کی زنجیریں توڑنے کے لیے تیار ہے۔

ان کا کہنا تھا کہ یاد رکھیے غلامی کی زنجیریں خود نہیں ٹوٹتیں بلکہ توڑنی پڑتی ہیں۔