دنیا کے سب سے اونچے پہاڑ ماؤنٹ ایوریسٹ کی چوٹی سر کرنے کے حوالے سے جعل سازی کرنے والے بھارتی نے حقیقتاً اس چوٹی کو سر کر لیا ہے۔

خبر رساں ایجنسی اے ایف پی کے مطابق نریندر سنگھ نے مئی 2016 میں 8ہزار849 میٹر بلند پہاڑ کی چوٹی پر پہنچنے کا دعویٰ کیا تھا۔

مزید پڑھیں: ماؤنٹ ایوریسٹ سر کرنے کی کوشش میں سوئس کوہ پیما ہلاک

لیکن سربراہی اجلاس میں بعد میں بتایا گیا کہ 26 سالہ نوجوان کی تصاویر کو بعد میں ڈیجیٹل طور پر تبدیل کر کے دکھایا گیا جس کے بعد نیپال حکومت کو اس کے کارنامے کی پہچان منسوخ کرنے پر مجبور کیا گیا۔

یادیو اور دو دیگر کوہ پیماؤں پر 2016 میں چھ سال کی پابندی عائد کردی گئی تھی اور اس پابندی کے بعد اس سال وہ دوبارہ پہاڑ سر کرنے کے قابل ہو سکے۔

یادیو نے جمعہ کو اے ایف پی کو بتایا کہ ماؤنٹ ایوریسٹ سر کرنا ہم سب کے لیے ایک خواب ہے لیکن یہ میرے لیے زندگی ہے، مجھ پر بہت سارے الزامات تھے، اسی لیے مجھے خود کو ثابت کرنا پڑا اور ایوریسٹ پر چڑھنا پڑا۔

یادیو کا کہنا ہے کہ وہ چوٹی تک پہنچ گئے تھے لیکن یہ کہ مہم کے سربراہ نے 2020 میں ہندوستان کے معزز تینزنگ نورگے ایڈونچر ایوارڈ کے لیے نامزد کیے جانے کے بعد ان کی تصاویر میں تبدیلیاں کیں اور انہیں سوشل میڈیا پر پوسٹ کر دیا تھا۔

انہوں نے کہا کہ اس کے بعد ایوارڈ روک دیا گیا، یہ میرے اور میرے خاندان کے لیے بہت تکلیف دہ تھا۔

یہ بھی پڑھیں: ماؤنٹ ایوریسٹ سر کرنے والی پہلی خاتون کا انتقال

ان پر لگائی گئی پابندی 20 مئی کو ختم ہوگئی تھی، سات دن بعد مہم سر کرنے کے لیے روانہ ہو گئے تھے، اس بار اپنے کارنامے کو ثابت کرنے کے لیے کافی تصاویر اور ویڈیوز ان کے ساتھ ہیں۔

نیپال کے محکمہ سیاحت کی اہلکار بشما راج بھٹرائی نے کہا کہ چوٹی سر کرنے کے کافی ثبوت پیش کرنے کے بعد ہم نے بدھ کو اسے ایک سرٹیفکیٹ دیا۔

مہم کے منتظم پاینیر ایڈونچر کے ساتھ ایک گائیڈ پیمبا ریٹا شیرپا نے کہا کہ اس بات کو یقینی بنانے کے لیے کہ کوئی جھگڑا نہ ہو، معمول کے بجائے دو گائیڈ ان کے ساتھ آئے۔

انہوں نے کہا کہ ہم نے اس کی بہت سی تصاویر اور ویڈیوز لیں، ہمیں وہی بولنا ہے جو حقیقی ہے، یہ ہمارے شیرپا کی شہرت اور کمپنی کی ساکھ کی بات ہے۔

ماؤنٹ ایورسٹ کامیابی سے سر کرنا کسی بھی کوہ پیما کے کیریئر کی سب سے بڑی کامیابی تصور کی جاتی ہے۔

مزید پڑھیں: شہروز کاشف کے۔ٹو سر کرنے والے سب سے کم عمر کوہ پیما بن گئے

تصدیق کے موجودہ نظام میں بیس کیمپ پر تعینات ٹیم لیڈروں اور حکومتی رابطہ افسران کی رپورٹوں کے ساتھ تصاویر کی ضرورت ہوتی ہے لیکن اس کے باوجود دھوکا دہی کے امکانات موجود ہیں۔

ماؤنٹ ایوریسٹ سر کرنے کی جعلی تصاویر شائع کرنے والے ایک ہندوستانی جوڑے پر 2016 میں 10 سال کے لیے پابندی عائد کر دی گئی تھی۔