’رومیو ویڈز ہیر‘ اور ’میرا سسرال‘ جیسے ڈراموں میں اداکاری کرنے والی اداکارہ مریم انصاری اور سابق قومی کرکٹر معین خان کے بیٹے اویس خان کے شادی کی تقریبات اختتام پذیر ہوگئیں۔

دونوں کی شادی کا آغاز 20 دسمبر سے کراچی میں ہوا تھا اور ان کا ولیمہ 26 دسمبر کو سندھ کے دارالحکومت میں ہی منعقد ہوا۔

یہ بھی پڑھیں: ’رومیو ویڈز ہیر‘ کی اداکارہ مریم انصاری نے نکاح کرلیا

دونوں نے رواں برس فروری میں نکاح کرتے ہوئے جلد شادی کا عندیہ دیا تھا اور نکاح کے 10 ماہ بعد وہ رشتہ ازدواج میں بندھے۔

دونوں کی شادی کی تقریبات میں صبور علی، شفاعت علی، وسیم اکرم، علی انصاری اور رمشا خان سمیت دیگر اسپورٹس اور شوبز شخصیات شریک ہوئی تھیں۔

مزید پڑھیں: اپنی شادی میں مریم انصاری کا رقص

ان کی شادی کی تقریبات میں وسیم اکرم اور معین خان سمیت دیگر شخصیات بھی گانوں پر رقص کرتے دکھائی دیے تھے۔

دونوں نے خود بھی متعدد گانوں پر رقص کیا تھا اور ان کی ڈانس کی ویڈیوز وائرل ہوگئی تھیں۔

مریم انصاری اور اویس خان کی شادی کی تقریبات کے دوران ہی علی انصاری اور صبور علی کی رقص کی ویڈیوز بھی وائرل ہوئی تھیں، جنہیں اجازت کے بغیر شوٹ کرنے پر اداکارہ نے برہمی کا اظہار بھی کیا تھا۔