سی ڈی سی گروپ کے مطابق عام طور پر یہ عارضہ پیچیدگیوں کا باعث نہیں بنتا اور یہ متعدد وائرسز کی وجہ سے بھی ہوسکتا ہے۔

بیان میں کہا گیا کہ سی ڈی سی نے آبادی میں توقع کے مطابق کیسز کو دریافت نہیں کیا مگر کمیٹی کے اراکین کو لگتا ہے کہ طبی عملے کو اس 'ممکنہ مضر اثر' سے آگاہ کیا جانا ضروری ہے۔

سی ڈی سی گروپ کی جانب سے یہ نہیں بتایا گیا کہ کتنے افراد میں اس ورم کو دریافت کیا گیا ، بس اس معاملے میں تحقیق کی ضرورت پر زور دیا گیا۔

سی ڈی سی نے بتایا کہ عام طور پر ایم آر این اے ویکسینز استعمال کرنے کے 4 دن کے اندر یہ مضر اثر نظر آنے لگتا ہے، تاہم بیان میں یہ نہیں بتایا گیا کہ کس ویکسین سے یہ اثر ہوتا ہے۔

امریکا میں اس وقت 2 ایم آر این اے ویکسینز استعمال ہورہی ہیں جن میں سے ایک کو موڈرنا جبکہ دوسری کو فائزر/بائیو این ٹیک نے تیار کیا ہے۔

فائزر اور موڈرنا کی جانب سے اس حوالے سے فی الحال کوئی بیان سامنے نہیں آیا۔