پاکستان تحریک انصاف (پی ٹی آئی) گلگت بلتستان کے صوبائی صدر جسٹس (ر) سید جعفر شاہ کورونا کے باعث انتقال کر گئے۔

پی ٹی آئی کے صوبائی ڈپٹی سیکریٹری جنرل صابر حسین نے سید جعفر شاہ کے انتقال کی تصدیق کی۔

65 سالہ سید جعفر شاہ کورونا کے باعث اسلام آباد میں چیک شہزاد کے آ ئسولیشن سینٹر میں زیر علاج رہنے کے بعد چند روز قبل گھر منتقل ہو گئے تھے جبکہ گزشتہ روز طبعیت خراب ہونے پر انہیں دوبارہ ہسپتال منتقل کیا گیا تھا۔

سید جعفر شاہ دو بار گلگت بلتستان اسمبلی کے رکن بھی منتخب ہوئے اور خطے کی سب سے بڑی عدالت سپریم اپیلیٹ کورٹ کے جج کی حیثیت سے خدمات انجام دیے۔

پی ٹی آئی کے صوبائی صدر15 نومبر 2020 کو شیڈول انتخابات میں بھی امیدوار تھے۔