اسلام آباد میں گزشتہ 24 گھنٹے کے دوران کورونا وائرس کے مزید کیسز میں اضافہ ہوا ہے اور 91 نئے کیسز رپورٹ ہوئے ہیں۔

گزشتہ روز وفاقی دارالحکومت میں 56 کیسز رپورٹ ہوئے تھے لیکن اب اس میں اضافہ ہوا ہے اور 91 مزید کیسز رپورٹ ہونے کے بعد کیسز کی مجموعی تعداد 16ہزار 936 ہو گئی ہے۔

گلگت بلتستان میں مزید 27 اور آزاد جموں و کشمیر میں 38 نئے کیسز رپورٹ ہوئے اور ایک موت بھی ہوئی جبکہ دونوں اکائیوں میں کیسز کی مجموعی تعداد بالترتیب 3ہزار 884 اور 2ہزار 912 ہو گئی ہے۔