ایران میں کورونا وائرس سے گزشتہ 24 گھنٹوں کے دوران مزید 235 ہلاکتوں کی تصدیق کی گئی ہے جو گزشتہ 10 ہفتوں کے دوران سب سے زیادہ تعداد ہے۔

اے ایف پی کی رپورٹ کے مطابق ایران میں ایک ہفتے سے بھی کم عرصے میں ایک دن میں کورونا وائرس کیسز کی ریکارڈ تعداد رپورٹ ہوئی ہے۔

وزارت صحت کی ترجمان سیما سادات لاری کا کہنا تھا کہ ملک میں مزید 235 افراد ہلاک ہوئے جو 28 جولائی کے بعد ایک دن میں سب سے زیادہ ہلاکتیں ہیں۔

ان کا کہنا تھا کہ کورونا سے ہلاکتوں کی مجموعی تعداد 27 ہزار 192 ہوچکی ہے۔

سیما سادات لاری نے بتایا کہ 3 ہزار 902 نئے کیسز بھی رپورٹ ہوئے ہیں اور کورونا متاثرین کی تعداد 4 لاکھ 75 ہزار 674 ہوگئی ہے۔