اپوزیشن لیڈر شہباز شریف کے بیٹے اور مسلم لیگ (ن) کے رہنما حمزہ شہباز کا کورونا ٹیسٹ مثبت آگیا۔

شہباز شریف نے ٹوئٹ میں کہا کہ 'میرے بیٹے حمزہ کو جیل میں کورونا ہوگیا ہے'۔

انہوں نے کہا کہ مشرف دور میں نیب مقدمات کا ڈٹ کر مقابلہ کرنے کے بعد وہ اب نیب نیازی گٹھ جوڑ کے سیاسی انتقام کا انتہائی جرات مندی و ثابت قدمی سے سامنا کر رہا ہے۔

شبہاز شریف نے کہا کہ 'میری آپ سب سے درخواست ہے کہ حمزہ کی جلد صحتیابی کے لیے خصوصی دعا کیجئے'۔