انڈین میدیکل ایسوسی ایشن نے بھارتی وزیراعظم نریندر مودی کو کھلے خط میں ڈاکٹروں کے تحفظ کے لیے اقدامات کا مطالبہ کرتے ہوئے کہا ہے کہ کووڈ-19 سے 196 ڈاکٹر ہلاک ہو چکے ہیں۔

بھارت کی وزارت صحت کے مطابق ملک میں گزشتہ 24 گھنٹوں کے دوران مزید 64 ہزار کیسز رپورٹ ہوئے ہیں۔

حکام کے مطابق بھارت میں کووڈ-19 کے کیسزکی مجموعی تعداد 21 لاکھ 53 ہزار 10 تک پہنچ گئی ہے جبکہ 6 لاکھ 28 ہزار 747 متاثرین زیرعلاج ہیں۔

بھارت میں گزشتہ 24 گھنٹوں کے دوران کورونا سے مزید 861 افراد ہلاک ہوئے جس کے بعد مجموعی تعداد 43 ہزار 379 ہوگئی۔