کورونا وائرس کی عالمی وبا کے باعث فضائی سفر میں تیزی سے کمی کے نتیجے میں بوئنگ طیاروں کی دنیا کی سب سے بڑی آپریٹر برٹش ایئرویز نے اپنے تمام بوئنگ 747 طیارے فوری طور پر ریٹائر کرنے کا اعلان کردیا۔

رائٹرز کی رپورٹ کے مطابق برٹش ایئر ویز 2024 میں ان طیاروں کو کو ریٹائر کرنے کی منصوبہ بندی کررہا تھا لیکن رواں برس مسافروں کی تعداد میں کمی آئی ہے، ایئرلائن نے کہا کہ انہیں نہیں لگتا کہ اب ان کے 747 بوئنگز دوبارہ بھی کمرشلی آپریٹ کریں گے۔

برٹش ایئرویز نے ایک بیان میں کہا کہ ہم بہت افسوس کے ساتھ اس کی تصدیق کرتے ہیں کہ ہم نے اپنے تمام 747 بوئنگ طیاروں کو فوری طور پر ریٹائر کرنے کی تجویز دی ہے۔