وفاقی وزیر برائے منصوبہ بندی اسد عمر نے بتایا کہ ملک میں کورونا وائرس کے تشویشناک مریضوں کی تعداد میں 28 فیصد کمی ہوئی ہے۔

ایک ٹوئٹر پیغام میں انہوں نے کہا کہ 20 جون کو پاکستان بھر میں کورونا کے2 ہزار 969 مریض آکسیجن پر اور 546 وینٹی لیٹر پر تھے. کل الحمد اللہ یہ تعداد کم ہو کر آکسیجن پر ایک ہزار 762 اور وینٹی لیٹر پر 394 تھی یعنی 28 فیصد کمی ہوئی۔

ان کا مزید کہنا تھا کہ اسمارٹ لاک ڈاؤن اور ایس او پیز کی انتظامی کارووائی کا اور سب سے اہم عوام کے بہتر طرز عمل کی کامیابی نمایاں ہے۔