وزیر خارجہ شاہ محمود قریشی بھی کورونا وائرس سے متاثر ہوگئے جس کی انہوں نے تصدیق کردی۔

سماجی رابطے کی ویب سائٹ پر ٹوئٹ میں شاہ محمود قریشی نے کہا کہ انہیں ہلکا بخار ہوا تھا جس کے بعد انہوں نے خود کو گھر میں قرنطینہ کر لیا تھا۔

انہوں نے کہا کہ 'اب میرا کورونا ٹیسٹ مثبت آگیا ہے لیکن اللہ کے کرم سے میں خود کو مضبوط اور توانا محسوس کر رہا ہوں۔'

ان کا کہنا تھا کہ 'میں گھر سے اپنے فراٗض انجام دیتا رہوں گا جبکہ عوام سے درخواست ہے کہ مجھے دعاؤں میں یاد رکھیں۔'