اسلام آباد میں کورونا کا شکار عہدیدار کی جانب سے میڈیکل فٹنس سرٹیفکیٹ جمع کرائے بغیر دفتر آنے پر اسلام آباد میں انڈس ریور سسٹم اتھارٹی (ارسا) کا دفتر بند کردیا گیا۔

ڈان اخبار کی رپورٹ کے مطابق اس حوالے سے جاری بیان میں کہا گیا کہ ملازمین کی حفاظت یقینی بنانے کے لیے ارسا نے 3 جولائی بروز جمعہ کو ارسا کا دفتر بند کرنے کا فیصلہ کیا ہے۔

بیان میں کہا گیا کہ ہفتہ اور اتوار کو سرکاری چھٹی ہے تو دفتر کو جراثیم سے پاک کیا جائے گا تاہم متعلقہ عملہ فون پر دستیاب ہوگا۔