وزیر اعظم عمران خان نے کورونا وائرس کا شکار وفاقی وزیر ریلوے شیخ رشید احمد کو فون کر کے ان کی خیریت دریافت کی۔

گزشتہ دنوں وفاقی وزیر ریلوے شیخ رشید احمد کا کورونا وائرس کا ٹیسٹ مثبت آ گیا تھا جس کے بعد سے وہ آئسولیشن میں ہیں۔

وزیراعظم نے شیخ رشید احمد کی فون پر خیریت دریافت کی اور آیسولیشن اور علاج سے متعلق دریافت کیا۔

شیخ رشید نے کہا کہ وہ ضروری احتیاطی اقدامات کر رہے ہیں، کورونا وائرس کی علامات نہیں ہیں اور وہ خود کو بہتر محسوس کر رہے ہیں۔

وزیر اعظم عمران خان نے شیخ رشید احمد کی جلد صحتیابی کے لیے دعا کی اور سرکاری اجلاسوں میں جلد شرکت کے لیے نیک تمناؤں کا اظہار کیا۔