وزیر اعظم عمران خان نے اطالوی وزیر اعظم گوئسیپ کونٹے سے ٹیلیفونک گفتگو کی جس میں دونوں رہنماؤں نے کورونا وائرس سمیت دیگر اہم موضوعات پر گفتگو کی۔

وزیر اعظم کے دفتر سے جاری بیان کے مطابق وزیر اعظم نے کورونا وائرس سے نمٹنے کی اٹلی کوششوں کو سراہا اور مرنے والوں کی تعزیت کی۔

انہوں نے کونٹے کو پاکستان کی صورتحال اور وائرس سے نمٹنے کے لیے حکومت کی جانب سے کی جانے والی سے کوششوں سے آگاہ کیا۔