جماعت اسلامی پاکستان کے امیر سراج الحق نے کہا ہے کہ لاک ڈاؤن اور کرفیو کی وجہ سےعرب ممالک میں پاکستانیوں کو شدید مشکلات کا سامنا ہے۔

انہوں نے اپنے ویڈیو پیغام میں کہا کہ لاکھوں لوگ حجروں میں بند ہیں اور ہسپتالوں تک رسائی مشکل ہے۔

سراج الحق نے مطالبہ کیا کہ فوری طور پر متعلقہ شہروں میں ایمبولینس کی سہولت کےساتھ ہیلپ سنٹرز بنائےجائیں اور ان کی واپسی کے ٹکٹ سستےکیےجائیں۔

علاوہ ازیں انہوں نے کہا کہ وطن واپس آنے والے اوورسیز پاکستانیوں کے ساتھ مجرموں جیسا سلوک نہ کیا جائے بلکہ معزز مہمانوں کا درجہ دیا جائے۔

سینیٹر سراج الحق نے کہا کہ قرنطینہ مراکز میں مفت سہولیات دی جائیں اور 12 سو ارب کی امدادی رقم میں ان کا حصہ رکھا جائے۔