وزیراعلیٰ اطلاعات شبلی فراز نے کہا ہے کہ اپوزیشن نےقومی اسمبلی کا اجلاس بلوایا لیکن اپوزیشن لیڈر شہباز شریف نے اجلاس میں شرکت نہیں کی۔

اسلام آباد میں پریس کانفرنس کرتے ہوئے شبلی فراز نے کہا کہ اجلاس میں شہباز شریف کی عدم شرکت ان کی اشرافیہ کی ذہنیت ظاہر کرتی ہے، وہ نہیں آئے کیونکہ وہ سوچتے ہیں کہ صرف ان کی صحت اور زندگی اہم ہے۔

انہوں نے کہا کہ پاکستان مسلم لیگ(ن) کے دیگر ارکان قومی اسمبلی بیمار ہونے کے باوجود اجلاس میں شرکت کے لیے آئے۔

شبلی فراز نے کہا کہ وزیراعظم عمران خان خود کو پورے ملک کا وزیراعظم مانتے ہیں اور سب کے ساتھ یکساں سلوک کرتے ہیں۔