قومی اسمبلی کے اجلاس کی رپورٹنگ کرنے والے تین رپورٹرز کورونا وائرس کا شکار ہو گئے ہیں۔

قومی اسمبلی اور سینیٹ کے اجلاس سے پہلے پارلیمنٹ ہاؤس میں جن پارلیمانی رپورٹرز کا کورونا ٹیسٹ کے لیے سیمپل لیا گیا تھا آج ان میں سے 25 پارلیمانی رپورٹرز کی ٹیسٹ رپورٹ موصول ہوئیں۔

ان 25 میں سے تین پارلیمانی رپورٹرز ناصر نقوی، شاکر سولنگی اور رضوان احمد کی رپورٹس مشکوک آئی ہیں اور اب نیشنل انسٹی ٹیوٹ آف ہیلتھ میں ان کا دوبارہ ٹیسٹ کیا جائے گا جس کے بعد واضح ہو گا کہ ان کا کورونا ٹیسٹ مثبت آیا ہے یا نہیں۔

ڈپٹی سپیکر قومی اسمبلی قاسم سوری نے تینوں صحافیوں کی مزاج پرسی کی اور ٹیسٹ و علاج کے لیے مکمل تعاون کی یقین دہانی کرائی ہے۔