اسلام آباد ہائی کورٹ کے عملے کو ماسک فراہم کرنے والے اسٹور ملازم میں کورونا وائرس کی تصدیق ہوگئی۔

عدالتی حکم کے تحت ملازم کا کورونا وائرس کا ٹیسٹ مثبت آنے کے بعد اسٹور کو سیل کردیا گیا۔

کورونا وائرس سے حفاظت کے ماسک فراہم کرنے والے ملازم میں وائرس کی تصدیق پر ملازمین تشویش کا شکار ہیں۔

خیال رہے کہ یہ اسلام آباد ہائی کورٹ میں کورونا وائرس کا تیسرا کیس ہے اس سے قبل چیف جسٹس اطہر من اللہ کے سیکرٹری اسد کھوکھر اور رٹ برانچ کے عاطف میں بھی کورونا وائرس کی تصدیق ہو چکی ہے۔