وزیر صحت سندھ ڈاکٹر عذرا پیچوہو کی ہدایت پر کورونا کے ٹیسٹ کے لیے لاڑکانہ میں لیبارٹری قائم کردی گئی۔

محکمہ صحت سندھ کی طرف سے قائم کی گئی لیبارٹری نے آج سے نمونے لینے کا کام شروع کردیا، ٹیسٹ کے نتائج ہفتہ کے روز سے آنا شروع ہوجائیں گے۔

ڈاکٹر عذرا پیچوہو نے کہا کہ لیبارٹری میں روزانہ 200 ٹیسٹ کیے جا سکیں گے جسے آنے والے ہفتے تک 350 تک بڑھایا جائے گا۔

انہوں نے کہا کہ اگلے مرحلے میں نواب شاہ میں بھی کورونا ٹیسٹنگ لیبارٹری قائم کی جائے گی۔