بلوچستان حکومت نے کورونا وائرس کے بڑھتے ہوئے کیسز کے باعث لاک میں 15 روز کی توسیع کردی۔

ترجمان بلوچستان حکومت لیاقت شاہوانی نے سماجی رابطے کی ویب سائٹ پر ٹوئٹ میں کہا کہ 'صوبے میں کورونا تیزی سے پھیل رہا ہے اور اب تک اس کے خلاف جو حل کارگر ثابت ہوا ہے وہ آئیسولیشن، سماجی فاصلہ اور لاک ڈاؤن ہے۔'

انہوں نے کہا کہ اس لیے بلوچستان حکومت نے صوبے میں لاک ڈاؤن میں 15 روز کی توسیع کرکے اسے 19 مئی تک کرنے کا فیصلہ کیا ہے۔