پاکستان میڈیکل ایسوسی ایشن گلگت بلتستان کے جنرل سکریٹری ڈاکٹر فدا حسین کے مطابق گلگت بلتستان میں احتیاطی تدابیر پر عمل نہ کرنے کی وجہ سے 50 افراد کورونا وائرس کا شکار ہوئے۔

انہوں نے کہا کہ اسی طرح سٹی میڈٰیکل ہسپتال کے طبی عملے کے 7 افراد بھی کورونا وائرس کا شکار ہوئے، یہ صورتحال تشویشناک ہے۔

ڈاکٹر فدا حسین نے حکومت کو لاک ڈاون کو موثر بنانے کی ضرورت پر زور دیا اور کہا کہ کورونا وائرس کے خلاف جان خطروں میں ڈال کر علاج کی سہولیات فراہم کرنے والے طبی عملے کی تنخواہوں میں کٹوتی زیادتی ہے۔