میئر کراچی وسیم اختر نے قانون نافذ کرنے والے اداروں سے کراچی میونسپل کارپوریشن(کے ایم سی) کے ہسپتالوں میں فرائض انجام دینے والے طبی عملے اور اتنظامیہ کو ہسپتال آنے جانے میں تعاون کرنے کی درخواست کی ہے۔

انہوں نے کہا کہ ڈاکٹرز اور پیرامیڈیکل اسٹاف کی جانب سے ہسپتال پہنچنے میں مشکلات کی شکایات موصول ہوئی ہیں اور اکثر انہیں ہسپتال آتے ہوئے واپس بھیج دیا جاتا ہے۔

وسیم اختر نے کہا کہ اس عالمی وبا کو شکست دینے کے لیے ڈاکٹرز اور پیرامیڈیکل اسٹاف فرنٹ لائنز پر کام کررہے ہیں۔

میئر کراچی نے کہا کہ وہ ادارے جو قانون نافذ کرنے کے ذمہ دار ہیں وہ طبی عملے اور انتظامیہ کے شناختی کارڈ اور ادارے کا آئیڈینٹٹی کارڈ دیکھنے کے بعد انہیں ہسپتالوں میں جانے کی اجازت دیں۔