ملک کورونا کی وجہ سے درپیش معاشی مسائل پر پاکستان مسلم لیگ (ن) کے صدر شہبازشریف کی صدارت میں تاجر اور کاروباری نمائندوں سے مشاورتی اجلاس میں حکومت سے پٹرول اور ڈیزل کی قیمت فوری طور پر 70 روپے فی لیٹر مقرر کرنے کا مطالبہ کردیا۔

ان کا کہنا تھا کہ قوم کو آج اپنی زندگی کے ایک مشکل ترین امتحان کا سامنا ہے، اصل مسئلہ اور خطرہ کورونا سے زیادہ اس چیلنج سے نمٹنے کی صلاحیت، سنجیدگی اور عزم کا ہے۔

انہوں نے کہا کہ ہمارا ایمان ہے کہ اللہ کریم مشکل حالات میں ہمیشہ انسانوں کی مدد فرماتا ہے۔

شہباز شریف کا کہنا تھا کہ ایک طرف کورونا قوم کی جان لے رہا ہے تو دوسری طرف روٹی اور روزگار کے لالے پڑے ہوئے ہیں، گھر میں رہنا مجبوری ہے لیکن روٹی، روزگار، کاروبار چلانا بھی ضروری ہے۔