وزیراعلیٰ سندھ مراد علی شاہ نے کراچی سمیت سندھ بھر میں اب رات 8 بجے کے بجائے شام 5 بجے دکانیں بند کرنے کی ہدایت کردی۔

مذکورہ ہدایات کے بعد اب دکانیں شام 5 بجے سے صبح 8 بجے تک بند رہیں گی قبل ازیں صوبائی حکومت نے اشیائے خور و نوش کی دکانیں صبح 8 سے رات 8 بجے تک کھولنے کی اجازت تھی۔

مراد علی شاہ نے کہا کہ کورونا وائرس کے 10 فیصد کیسز مقامی طور پر منتقل ہوئے جو خطرناک رجحان ہے۔

انہوں نے کہا کہ ہم نے خوشی سے نہیں بلکہ تکلیف سے مساجد میں جماعت کو بہت محدود کروایا ہے اور یہ فیصلہ عوام کی صحت کے پیش نظر علما کی مشاورت سے کیا۔