جمعیت علمائے اسلام (ف) کا حکومت مخالف 'آزادی مارچ' وفاقی دارالحکومت اسلام آباد میں جاری ہے اور اس میں شریک افراد اپنے قائد کی کال پر وہاں پوری تیاری کے ساتھ موجود ہیں۔

آزادی مارچ کے شرکا اپنے ساتھ تقریباً تمام ضروریات زندگی لائے ہیں جبکہ کچھ مقامات پر خیمے بھی نظر آئے، جو شرکا کے آرام کیلئے لگائے گئے ہیں۔

شرکا کی بڑی تعداد نے اپنے اپنے گروپس کی موجودگی میں ناشتہ کیا۔

آزادی مارچ میں شریک لوگ آرام کرنے کے لیے مختلف سامان لائے ہیں جبکہ جن شرکا کو خیمے دستیاب نہیں وہ ٹرک میں بھی آرام کرتے نظر آئے۔