69 سالہ جیفری اپسٹن کے خلاف سیکس اسکینڈل کے تحت نیویارک کی فیڈرل کورٹ میں کیس زیر سماعت تھا کہ انہوں نے جیل میں خودکشی کرلی تھی۔

ممکنہ طور پر اگر ان کے خلاف الزامات ثابت ہوجاتے تو انہیں کم سے کم 15 سے 25 برس قید اور جرمانہ ہوسکتا تھا، تاہم انہوں نے سنگین الزامات کے بعد خودکشی کرلی تھی۔

ان کے اسکینڈل کیس میں ملکہ برطانیہ کے بیٹے شہزادہ اینڈریو کا نام بھی سامنے آیا تھا۔

شہزادہ اینڈریو پر الزام تھا کہ انہوں نے 1998 سے 2005 کے درمیان جیفری اپسٹن کی جانب سے فراہم کی گئی کم عمر لڑکیوں کے ساتھ جسمانی تعلقات استوار کیے۔

شہزادہ اینڈریو نے چند دن قبل ہی ان الزامات کو مسترد کیا تھا، تاہم اعتراف کیا تھا کہ وہ جیفری اپسٹن کو جانتے تھے۔

اسی کیس میں برطانیہ کی سپر ماڈل ناؤمی کامپبیل کا نام بھی سامنے آیا تھا اور خبریں تھیں کہ انہوں نے بھی جیفری اپسٹن کے ساتھ جسمانی تعلقات استوار کیے تھے۔

تاہم ناؤمی کامپیل نے بھی ان الزامات کو مسترد کردیا تھا اور اپنے وضاحتی بیان میں اس بات پر شکر ادا کیا تھا کہ جنسی غلام بننے سے بچ گئیں۔