یہ بات پہلے ہی سامنے آچکی ہے کہ ہواوے اپنے آپریٹنگ سسٹم ہونگ مینگ پر کام کررہی ہے مگر گوگل کے خیال میں اسے آسانی سے ہیک کیا جاسکتا ہے۔

اس رپورٹ پر گوگل ترجمان نے اپنا ردعمل ظاہر کرتے ہوئے کہا کہ دیگر امریکی کمپنیوں کی طرح ہم بھی امریکی محکمہ تجارت سے رابطے میں ہیں اور ہم تمام پابندیوں پر مکمل عملدرآمد کریں گے۔

ترجمان کا کہنا تھا کہ ہماری توجہ اس وقت امریکا اور دنیا بھر میں ہواوے فونز کے کروڑوں گوگل صارفین کے تحفظ پر مرکوز ہے۔

ہواوے فونز میں فیس بک ایپس کی پری انسٹال پر پابندی

دوسری جانب فیس بک نے بھی ہواوے پر عائد پابندیوں کے حوالے سے اہم اعلان کیا ہے۔

فیس بک کی جانب سے اب ہواوے کے فونز میں اس کی ایپس یعنی فیس بک، میسنجر، انسٹاگرام یا واٹس ایپ اب پری انسٹال نہیں ہوں گی تاہم صارفین پلے اسٹور سے فیس بک ایپس کو ڈاؤن لوڈ اور اپ ڈیٹ کرسکیں گے۔

خیال رہے کہ امریکا چینی حکومت سے ہواوے کے تعلقات پر اس کے خلاف اقدامات کررہا ہے اور امریکی انتظامیہ کے لیے ہواوے فونز نہیں بلکہ کمپنی کے ٹیلی کمیونیکشن انفراسٹرکچر آلات تشویش کا باعث ہیں۔

ہواوے کی جانب سے امریکی دعوﺅں کو مسترد کرتے ہوئے کہا گیا ہے کہ وہ ایک خودمختار کمپنی ہے جس کا چینی حکومت سے کوئی تعلق نہیں۔

امریکی حکومت کے خیال میں ہواوے انفراسٹرکچر سے چینی حکومت کو جاسوسی اور تباہی پھیلانے کے مواقع ملیں گے اور یہی وجہ ہے کہ 2012 سے امریکا میں ہواوے ٹیلی کام آلات کے استعمال پر پابندی ہے، جبکہ آسٹریلیا اور نیوزی لینڈ نے بھی ہواوے کے 5 جی موبائل نیٹ ورک کے آلات کی سپلائی پر پابندی عائد کررکھی ہے۔