سرگودھا کی جیل میں قیدیوں کی ہنگامہ آرائی، مشتعل قیدیوں نے جیل کے اندر آگ لگادی۔

چند قیدی ٹاور پر چڑھ گئے, آگ سے اٹھتا دھواں دور دور سے دیکھاگیا۔

قیدیوں نے ہنگامہ آرائی پر روکنے کی کوشش پرجیل سپرنٹنڈنٹ کویر غمال بنالیا۔

ہنگامے کی اطلاع پر پولیس کی بھاری نفری جیل پہنچی۔ پولیس نے یرغمال جیل سپرنٹنڈنٹ کو قیدیوں کے قبضے سے آزاد کرانے کے لیے شیلنگ بھی کی۔

جیل انتظامیہ کے مطابق بھتہ وصولی کے تنازع پر قیدیوں میں جھگڑا ہوا۔ کشیدگی 4 گھنٹے تک جاری رہی۔

قیدیوں نےڈی آئی جی جیل خانہ جات سے مذاکرات کے بعد جیل سپرنٹینڈنٹ کو چھوڑ دیا۔

آئی جی پنجاب جیل خانہ جات نے واقعہ پر ڈی آئی جی جیل خانہ جات کی سربراہی میں انکوائری کمیٹی تشکیل دے دی۔